हिमाली भाङ, विधिसम्मत ढंगले।

बारम्बार सोधिने प्रश्न

नेपालमा गाँजा कानूनी छ?

मनोरञ्जनात्मक (नशाका लागि) गाँजा नेपालमा गैरकानूनी छ — लागुऔषध (नियन्त्रण) ऐन, २०३३ ले खेती, बिक्री र सेवनलाई निषेध गर्छ। मेडिकल तथा औद्योगिक भाङ भने सम्बन्धित निकायको इजाजतपत्र लिएर मात्र सञ्चालन गर्न सकिने व्यवस्था बन्दै छ — संघीय संसदमा विधेयक र गण्डकी प्रदेशको कार्यविधि यसैका उदाहरण हुन्।

भाङ्गो के हो? के यो कानूनी छ?

भाङ्गो भाङको बीउ हो — पहाडी भान्सामा पुस्तौंदेखि अचारका रूपमा खाइँदै आएको पौष्टिक खाद्य पदार्थ। यसमा नशा लाग्ने तत्व हुँदैन। हामी भाङ्गोलाई आधुनिक खाद्य-सुरक्षा मापदण्डमा प्याकेजिङ गरी बजारमा ल्याउँदैछौं।

औद्योगिक भाङ भनेको के हो?

THC (नशा लाग्ने तत्व) ०.३ प्रतिशतभन्दा कम भएको भाङलाई औद्योगिक भाङ भनिन्छ। यसबाट कपडा, डोरी, तेल, सौन्दर्य सामग्री र वेलनेस उत्पादन बन्छ। प्रत्येक उत्पादन प्रमाणित प्रयोगशालाबाट परीक्षण गरिन्छ।

भाङ खेतीका लागि लाइसेन्स कसरी पाइन्छ?

इजाजतपत्र सरकारी निकायले मात्र दिन्छ — कानूनी ढाँचा कार्यान्वयनमा आएपछि। अहिले गर्न सकिने तयारी हो: जग्गाको व्यवस्था, उपयुक्त बीउ, परीक्षण योजना र अभिलेख प्रणाली। हामी किसान तथा उद्यमीलाई यही तयारीमा सहयोग र तालिम दिन्छौं।

मसँग पहाडी जग्गा छ — के गर्न सकिन्छ?

हामी जग्गा भाडा (लिज), करार खेती वा खरिद — तीनवटै मोडेलमा काम गर्छौं। जिल्ला, क्षेत्रफल (रोपनी/बिघा), सडक पहुँच र तपाईंको चाहना खुलाएर सम्पर्क गर्नुहोस्। हरेक गम्भीर प्रस्तावको जवाफ दिन्छौं।

के तपाईंहरू मनोरञ्जनात्मक गाँजा बेच्नुहुन्छ?

गर्दैनौं। हाम्रो कम्पनीको नियमावली (प्रबन्धपत्र/नियमावली) मै मनोरञ्जनात्मक प्रयोजनको कारोबार निषेध गरिएको छ। इजाजतपत्र बिना कुनै नियमन-योग्य गतिविधि गर्दैनौं।